U Baranavičach niepaŭnaletni pabiŭ milicyjanta (nie za palityku). Jak jaho pakaraŭ sud?
U sudzie chłopiec pryznaŭ vinu całkam.
20.10.2024 / 09:52
Uletku navučeniec treciaha kursa Navamyšskaha dziaržaŭnaha ahrarnaha kaledža ŭdaryŭ milicyjanta, piša bar24.by.
Heta adbyłosia 2 lipienia padčas zatrymańnia niepaŭnaletniaha za administracyjnaje pravaparušeńnie. Na aŭtobusnym prypynku na vulicy Pramysłovaj chłopiec niekalki razoŭ udaryŭ milicyjanta. «Tym samym pieraškodziŭ jaho zakonnaj dziejnaści», piša vydańnie.
Na sudzie svaju vinu adkazčyk pryznaŭ, raspaviała staršy pamočnik Baranavickaha mižrajonnaha prakurora Śviatłana Pasiemka.
Sud pryznaŭ niepaŭnaletniaha vinavatym pavodle artykuła 364 KK (hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ abo jaho blizkich u metach pieraškody jaho zakonnaj dziejnaści).
Pakarańnie — hod chatniaj chimii. Taksama na karyść paciarpiełaha spahnali maralnuju škodu. Sumu nie paviedamlajuć.