U Vilni nočču padpalili dźviery Ministerstva abarony
Rankam u niadzielu, 20 kastryčnika, vialikaja kolkaść pažarnych raźlikaŭ vyjechała na paviedamleńnie pra pažar u Ministerstvie abarony.
20.10.2024 / 11:14
Palicyja kala Minabarony Litvy. Fota: Delfi
Pavodle źviestak Delfi, a 7:13 u Ministerstvie abarony spracavała sihnalizacyja. Dziažurny zaŭvažyŭ dym na pieršym paviersie budynka. U Ministerstva byli nakiravanyja 4 pažarnyja mašyny i aŭtamabil ź leśvicaj. Taksama prybyŭ vialiki atrad palicyi.
Hareli ŭvachodnyja dźviery budynka. Pažar byŭ chutka patušany.
Da hetaha anałahičny incydent adbyŭsia niepadaloku ad Ministerstva: kala 6 hadzin ranicy padpalili dźviery kafe na praśpiekcie Hiedymina. Pakul nie zrazumieła, ci źviazanyja hetyja padziei.