Cieła kiraŭnika CHAMAS Sinvara mohuć abmianiać na zakładnikaŭ
Cieła kiraŭnika hrupoŭki CHAMAS Jachja Sinvara mohuć abmianiać na izrailskich zakładnikaŭ, jakija ŭtrymlivajucca ŭ Hazie. Ab hetym paviedamlaje CNN sa spasyłkaj na krynicy ŭ Izraili.
20.10.2024 / 12:59
Jachja Sinvar byŭ abrany kiraŭnikom palitbiuro CHAMAS u žniŭni 2024 hoda. Fota: AP Photo / Adel Hana, File
Surazmoŭcy vydańnia śćviardžajuć, što viartańnie zakładnikaŭ moža stać adzinym sposabam dla CHAMAS viarnuć cieła lidara paleścinskaj hrupoŭki.
Izrail abjaviŭ ab zabojstvie Sinvara 17 kastryčnika. Na nastupny dzień hibiel Sinvara paćvierdzili ŭ CHAMAS.
Sinvar ličycca arhanizataram napadzieńnia CHAMAS na Izrail 7 kastryčnika minułaha hoda. Achviarami tady stali bolš za tysiaču čałaviek. Bolš za 250 čałaviek byli zachopleny i vyviezieny ŭ siektar Haza. Častku ź ich abmianiali. Na pačatak vieraśnia ŭ rukach CHAMAS zastavalisia mienš za sotniu zakładnikaŭ. Kala 40 ź ich Izrail ličyć zahinułymi.
Izrail ličyć, što zabojstva Sinvara adkryła «značnaje akno mahčymaściaŭ» dla viartańnia zakładnikaŭ.
U svaim vystupie izrailski premjer Bińjamin Nietańjachu zaklikaŭ členaŭ CHAMAS, jakija ŭtrymlivajuć izrailskich zakładnikaŭ, skłaści zbroju i viarnuć pałonnych, paabiacaŭšy, što tamu, chto heta zrobić, budzie dazvolena «vyjści i žyć».