Праваабаронцы падлічылі, колькі людзей асудзілі за палітыку з 2020 года
Гэта больш за насельніцтва Давыд-Гарадка.
20.10.2024 / 17:54
Праваабарончаму цэнтру «Вясна» вядомыя прозвішчы амаль 7400 фігурантаў крымінальных палітычных спраў у Беларусі — з іх 6013 ужо асудзілі.
Амаль чвэрць з гэтых людзей — жанчыны. Як мінімум 2336 чалавек былі асуджаныя да пазбаўлення волі, 681 — да «хіміі» (не ўсе прысуды вядомыя).
Важна разумець, што гэта толькі тыя людзі, пра якіх вядома праваабаронцам — агулам жа фігурантаў крымінальных палітычных спраў у Беларусі значна больш.