U Tbilisi prajšła maštabnaja akcyja ŭ padtrymku jeŭraintehracyi
Na płoščy Svabody ŭ Tbilisi sabrałasia šmatludnaja akcyja ŭ padtrymku ruchu krainy ŭ ES pad nazvaj «Hruzija vybiraje Jeŭrasajuz». Akcyja prachodzić za šeść dzion da vyznačalnych parłamienckich vybaraŭ.
20.10.2024 / 21:47
Fota: Formula news
Pra heta piša «Jeŭrapiejskaja praŭda» sa spasyłkaj na Formula news.
Hramadskaje šeście startavała z 5 miescaŭ Tbilisi. Ludzi sabralisia na płoščy Mardžanišvili, vulicy Amahali, abielisku 300 Arahvieli, płoščy Hierojaŭ i płoščy Respubliki i prajšli da płoščy Svabody.
Razam z hramadzianami da maršu dałučylisia pradstaŭniki jeŭrapiejskich palityčnych partyj.
Na płošču Svabody prybyła i apazicyjny prezident Hruzii Sałome Zurabišvili. Na ŭčorašnim bryfinhu prezident adznačyła, što važna, kab ludzi vyjšli na vulicu i prajavili svaju volu.
Jana taksama zaklikała hałasavać za prajeŭrapiejskija apazicyjnyja partyi.
Paśla vystupleńniaŭ śpikieraŭ na płoščy Svabody zapłanavany mitynh-kancert, u jakim voźmuć udzieł šerah hruzinskich muzykaŭ.
Marš «Hruzija vybiraje ES» arhanizavany hramadskimi aktyvistami ŭ adkaz na de fakta prypynieńnie ŭstupleńnia Hruzii ŭ ES z-za dziejańniaŭ urada.
Ledź nie ŭpieršyniu ŭ sučasnaj historyi Hruzii apazicyjnyja siły i stratehičnyja partniory va ŭnison abvinavačvajuć dziejnuju ŭładu ŭ źmienie źniešniepalityčnaha viektara krainy i spryjańni rasijskim intaresam. Jak vynik, urad Hruzii atrymaŭ poŭnuju mižnarodnuju izalacyju jak ad ZŠA, tak i ad Jeŭrasajuza.