Pamior hałoŭny apanient Erdahana Fietchułach Hiulen
U ZŠA pamior isłamski prapaviednik i kiraŭnik ruchu FETO Fietchułach Hiulen. Jamu było 83 hady. Tureckija ŭłady abvinavačvajuć jaho ŭ sprobie vajskovaha pieravarotu ŭ 2016 hodzie.
21.10.2024 / 09:55
Pra śmierć Fietchułacha Hiulena paviedamiŭ jaho plamieńnik u sacsietcy X. «Fietchułach Hiulen dasiahnuŭ haryzontaŭ svajoj dušy. Dy pamiłuje jaho Boh», — napisaŭ jon.
Fietchułach Hiulen uznačalvaŭ ruch FETO, jaki ŭźnik u Turcyi ŭ 1970-ja hady. Arhanizacyja prasoŭvała pacyfiscki i sučasny pohlad na isłam.
U 2016 hodzie ŭłady Turcyi abvinavacili Fietchułacha Hiulena i prychilnikaŭ FETO ŭ sprobie pieravarotu. Ankara patrabavała ad Vašynhtona ekstradziravać Hiulena.
Fietchułach Hiulen žyŭ u ZŠA z 1999 hoda. Jon — aŭtar prac pa teałohii i piedahohicy.