Na Kamaroŭku z Kitaja pryvieźli vinahrad, jaki admaŭlajucca kuplać, bo nikoli takoha nie bačyli
Pakupniki nie vierać, što heta nie płastykavaja jahada dla ŭpryhožvańnia vitryny.
21.10.2024 / 11:32
Vielizarny bieź pierabolšańnia vinahrad źjaviŭsia na Kamaroŭskim rynku. Pra smak i canu hihanckich jahad daviedalisia «Minsk-Naviny».
— Pryjechaŭ hety hihant z Kitaja, — raspaviała pradaviec. — Hatunak Shine-Muskat adroźnivajecca pryjemnym kisła-sałodkim smakam, ščylnaj chrumstkaj miakaćciu i poŭnaj adsutnaściu kostačak.
Kaštuje taki cud sielekcyi 29,9 rubla za kiłahram.
Vizualna nahadvaje ałyču, kali b jana rasła hronkami. A pa pamierach nabližajecca da ispanskaj ślivy, jakaja adroźnivajecca bujnaściu.
Na adnym z ceńnikaŭ nadpis: «Heta sapraŭdny vinahrad!» Jak tłumačyć pradaviec, bolšaść pakupnikoŭ nie vieryć, što heta nie płastykavaja jahada dla ŭpryhožvańnia vitryny.