Minčanin pazyčyŭ hrošy trom ludziam pad pracenty — padatkovaja paličyła heta niezakonnym pradprymalnictvam
I kanfiskavała častku dachodu.
21.10.2024 / 12:20
Žychar stalicy pazyčyŭ trom ludziam hrošy pad pracenty, jakija «kapali» piać hadoŭ. 50-hadovym mužčynam zacikaviłasia padatkovaja.
Pavodle źviestak prakuratury, za piać hadoŭ minčanin zarabiŭ na pracentach bolš za 48 tysiač rubloŭ. Pry hetym jon nie zarehistravaŭsia ŭ Adzinym rehistry jurydyčnych asob i indyvidualnych pradprymalnikaŭ. Tamu padatkavaja paličyła, što mužčyna zajmaŭsia niezakonnaj pradprymalnickaj dziejnaściu.
Sud pryznaŭ minčanina vinavatym i pryznačyŭ štraf u 50 bazavych vieličyniaŭ (2 tysiačy rubloŭ) z kanfiskacyjaj 20% ad atrymanaha dachodu.
Pastanova nabyła zakonnuju moc.