Łukašenka choča pabudavać chutkasnuju mahistral ad Maskvy da Bierlina
Temu budaŭnictva chutkasnaj mahistrali Łukašenka źbirajecca abmierkavać z Pucinym.
21.10.2024 / 14:19
Ambicyjnymi płanami Alaksandr Łukašenka padzialiŭsia 21 kastryčnika na naradzie pa pytańniach raźvićcia aŭtamabilnych daroh i transpartnaj infrastruktury.
Łukašenka zaznačyŭ, što damoviŭsia z Pucinym abmierkavać budaŭnictva chutkasnaj mahistrali Maskva — Brest, piša BiełTA.
«Z prezidentam Rasii Uładzimiram Pucinym my damovilisia, što chutkim časam abmiarkujem pytańni budaŭnictva chutkasnaj mahistrali praź Biełaruś z Maskvy na zachad. Da Bresta prynamsi. Kali zachodniki zachočuć u hetym udzielničać, budziem da Bierlina pracavać. Nie — da Bresta i ŭ zvarotnym kirunku na ŭschod. Heta, možna skazać, užo pytańnie vyrašanaje», — zajaviŭ Łukašenka.
Jon taksama daručyŭ sprajektavać chutkasnyja čyhunačnyja linii da haradoŭ-spadarožnikaŭ Minska, da jakich adnosiacca Dziaržynsk, Zasłaŭje, Łahojsk, Smalavičy, Fanipal i pasiołak Rudziensk.
«Nam treba padumać ab budaŭnictvie bolš chutkasnych, niezaležnych ad aŭtamabilnych daroh, učastkaŭ. Ja nie dumaju, što heta zojmie šmat času ci vialikich hrošaj spatrebicca», — miarkuje Łukašenka.