Ukrainskija bieśpiłotniki ŭnačy atakavali try rasijskija śpirtzavody
Siońnia nočču bieśpiłotniki atakavali horad Jafremaŭ Tulskaj vobłaści. Pa słovach miascovych žycharoŭ, było jak minimum dva vybuchi. Pieršy jany pačuli ŭ 02:10, Druhi — u 02:13.
22.10.2024 / 07:35
Śpirtzavod u Raskazavie Tamboŭskaj vobłaści
Miascovyja žychary pisali pra ataku na CEC i zavod sintetyčnaha kaŭčuku. Adnak, pa danych uładaŭ rehijonu, u vyniku ataki bieśpiłotnikaŭ paciarpieli dva śpirtzavoda — Jafremaŭski śpirtzavod i śpirtzavod u pasiołku Łužkoŭski Suvoraŭskaha rajona.
Akramia taho, pavodle infarmacyi ŭładaŭ užo Tamboŭskaj vobłaści, a 5:20 ranicy paśla ataki bieśpiłotnika vybuch prahrymieŭ na Raskazaŭskim śpirtzavodzie. Na miescy zdareńnia pačaŭsia pažar. Pavodle papiaredniaj infarmacyi, paciarpiełych niama.
«U ciapierašni čas pradpryjemstva vyrablaje pradukcyju, jakaja maje stratehičnaje značeńnie dla dziaržavy, ažyćciaŭlaje kompleksnuju pierapracoŭku syraviny (miełasa burakovaja) u roznyja vidy śpirtoŭ», — havorycca na sajcie «Bijachim».