«Alaksandr Łukašenka ŭžo nie «baćka». U Dzień baćki Tur prydumaŭ Łukašenku novy status
Prapahandyst Ihar Tur u čarhovym vypusku svajoj prahramy ŭ novaje dla biełarusaŭ śviata — Dzień baćki — prahnuŭsia pierad Alaksandram Łukašenkam z vybitnoj hnutkaściu. Pavodle Tura, Łukašenka evalucyjanavaŭ, i bolš nie «baćka», a «ajciec nacyi».
22.10.2024 / 10:03
Na dumku Tura, «bacia ŭ siamji — heta toj, chto vyrašyć lubuju prablemu ci zadaču, a ajciec nie tolki vyrašyć prablemu, ale i voźmiecca navučyć svaich dziaciej vyrašać hetuju prablemu samastojna».
To-bok, nie sam zrobić, a daść paradu, jak zrabić.
«Jak na mnie, Alaksandr Ryhoravič daŭno evalucyjanavaŭ z baćki ŭ najmudrejšaha ajca», — zajaviŭ Tur.