Paŭdniovaja Kareja paabiacała adkaz na ŭciahvańnie KNDR u vajnu va Ukrainie
Sieuł paabiacaŭ uvieści «paetapnyja miery» suprać KNDR i Rasii ŭ adkaz na ŭmacavańnie vajskovaha supracoŭnictva pamiž dźviuma krainami, paviedamlaje paŭdniovakarejskaje ahienctva Yonhap.
22.10.2024 / 13:01
Uładzimir Pucin i Kim Čen Yn u Pchieńjanie. Fota: CTAK
Siarod mahčymych mier — pastaŭki zbroi Ukrainie. Pra heta było abvieščana pa vynikach narady Prezidenckaha savieta pa nacyjanalnaj biaśpiecy, jakaja prajšła paśla paviedamleńniaŭ, što Pchieńjan vyrašyŭ nakiravać kala 12 tysiač vajskoŭcaŭ na dapamohu Rasii, ź jakich paŭtary tysiačy ŭžo znachodziacca na rasijskich palihonach na Dalokim Uschodzie.
Raniej hienieralny sakratar NATA Mark Rute napisaŭ u sacsietcy Ch, što adpraŭka vojskaŭ Paŭnočnaj Karei vajavać va Ukrainie budzie aznačać «značnuju eskałacyju».
Kreml nazvaŭ paviedamleńni pra adpraŭku vajskoŭcaŭ z Paŭnočnaj Karei dla ŭdziełu ŭ vajnie va Ukrainie «supiarečlivymi».