Стала вядома прычына смерці мужчыны, цела якога некалькі дзён праляжала ў прыпаркаванай машыне ў Мазыры
11 верасня адна з жыхарак Мазыра паведаміла ў міліцыю, што ўжо некалькі дзён запар, выгульваючы раніцай сабаку, заўважае на заднім сядзенні прыпаркаванай машыны ляжачага мужчыну. Аказалася, што ў машыне ўвесь гэты час ляжаў труп.
22.10.2024 / 15:10
Скрын відэа з месца здарэння
Медыкі канстатавалі смерць. Следчыя ўстанавілі, што мазырчук 1966 года нараджэння адсутнічаў па месцы жыхарства некалькі дзён.
З мэтай высвятлення прычыны смерці была прызначаная судовая медыцынская экспертыза.
Судовыя эксперты ўстанавілі, што смерць наступіла 3—5 суткамі раней ад вострай сардэчнай недастатковасці, якая ўскладніла цячэнне хранічнай ішэмічнай хваробы сэрца. У мышачнай тканцы памерлага знойдзены этылавы спірт у канцэнтрацыі 0,47 праміле.