Pašyryli śpis miescaŭ, dzie možna lehalna hnać samahonku
Pastanovaj urada, apublikavanaj na Nacyjanalnym pravavym internet-partale, dapoŭnieny pieralik jurydyčnych asob, jakija mohuć vyrablać aryhinalny ałkahol (samahonku i roznyja typy nalivak, nastojek dy h. d.) «u metach adnaŭleńnia paŭnaty biełaruskich nacyjanalnych tradycyj».
22.10.2024 / 19:43
«Samahonščycy». Malunak Jazepa Drazdoviča z fondaŭ Skarynaŭskaj biblijateki ŭ Łondanie
U pieralik jurydyčnych asob, nadzielenych pravam na vytvorčaść «aryhinalnych ałkaholnych napojaŭ» dadali Staŭbcoŭski lashas, Nacyjanalny park «Prypiacki», sialanskaja (fiermierskaja) haspadarka «START TS», «Słavianskuju karčmu», Ekabieł «Kołbavičy».
Usiaho ŭ abnoŭlenym śpisie — 27 pazicyj.
Taki pieralik pieršapačatkova źjaviŭsia ŭ kancy 2005 hoda, spačatku ŭ im było tolki dźvie łakacyi — «Biełaviežskaja pušča» i «Dudutki», paźniej u jaho dadali Biełaviežskuju pušču, «Vialikaje kniastva Suła», «Dukorski majontak», «Dudutki» i h. d.
Laśnik uładkavaŭ kala Biełaviežskaj puščy hruntoŭny brovar
Žychar Mazyra vyklikaŭ milicyju na susiedku, a ŭ vyniku straciŭ 300 litraŭ brahi i trapiŭ na štraf
Pad Hrodnam likvidavali padpolny brovar, na jakim samahonku nastojvali ŭ dubovych bočkach
U Biełarusi raspracoŭvajuć vakcynu ad ałkahalizmu