U źniavolenaha pradziusara Charvi Vajnštejna vyjavili rak kaściavoha mozhu
U amierykanskaha pradziusara Charvi Vajnštejna dyjahnastavali chraničny mijełoidny lejkoz. Ciapier jon atrymlivaje lačeńnie ŭ turmie Rajkiers, dzie adbyvaje pakarańnie.
22.10.2024 / 22:35
Charvi Vajnštejn na sudzie. Fota: Adam Gray/Pool Photo via AP
Heta nie pieršy raz, kali Vajnštejnu davodzicca źviarnucca da miedykaŭ padčas turemnaha źniavoleńnia. Z 2020-ha jon paśpieŭ trapić u balnicu z-za dyjabietu, karanavirusa, dvuchbakovaj pnieŭmanii i prablem z sercam.
U minułym Vajnštejn byŭ adnym z samych upłyvovych pradziusaraŭ Halivuda. U jaho pasłužnym śpisie ličycca pradziusavańnie «Kryminalnaha čytva», «Kryku», «Vaładara piarścionkaŭ», «Džanha vyzvalenaha» i niekalkich dziasiatkaŭ inšych kultavych karcin.
U 2020 hodzie Charvi Vajnštejna pasadzili na 23 hady pa abvinavačvańni ŭ zhvałtavańni. U krasaviku 2024 hoda Apielacyjny sud admianiŭ prysud, ale z turmy pradziusar nie vyjšaŭ: jon praciahvaje adbyvać pakarańnie (16 hadoŭ pazbaŭleńnia voli) za zhvałtavańnie pa inšym prysudzie, jaki vynieśli ŭ 2022 hodzie.
Sud u Ńju-Jorku admianiŭ prysud Charvi Vajnštejnu, jakoha abvinavačvali ŭ zhvałtavańni
Vajnštejna pryznali vinavatym u dvuch epizodach hvałtu
Aktrysu, što abvinavaciła Vanštejna, samu abvinavacili ŭ damahańniach