U Biełaruś treci raz za hod prylacieŭ ministr abarony RF
U Minsku projdzie pasiadžeńnie sumiesnaj kalehii ministerstvaŭ abarony Respubliki Biełaruś i Rasijskaj Fiederacyi.
23.10.2024 / 09:30
Andrej Biełavusaŭ prylacieŭ u Biełaruś, 24 maja 2024 hoda
Pa danych kanała «MotolkoPomohi», na aeradrom «Mačuliščy» rankam 23 kastryčnika prylacieŭ bort Tu-214PU-SBUS PKS Rasii z rehistracyjnym numaram RA-64530. Na hetym samalocie ŭ Minsk prybyŭ ministr abarony RF Andrej Biełavusaŭ.
Pavodle kanała, palot ministra abarony RF u pavietranaj prastory Biełarusi supravadžaŭsia dziažurnymi źniščalnikami.
U pieršy raz Biełavusaŭ byŭ u Minsku 24 maja, i zatym jon znoŭ prylataŭ u Minsk 2 lipienia, dadaje kanał.
U Minsku projdzie pasiadžeńnie sumiesnaj kalehii ministerstvaŭ abarony Respubliki Biełaruś i Rasijskaj Fiederacyi.
«U chodzie pasiadžeńnia kalehii nieabchodna budzie abmianiacca dumkami i pryniać rašeńni pa važnych pytańniach sumiesnaj abaronnaj palityki, pašyreńni vajskovaha supracoŭnictva pamiž uzbrojenymi siłami na karyść zabieśpiačeńnia vajennaj biaśpieki Sajuznaj dziaržavy», — havorycca ŭ pres-relizie Minabarony Biełarusi.
Hienštaby Uzbrojenych Sił Biełarusi i Rasii raspačali padrychtoŭku vučeńniaŭ «Zachad-2025». Pra heta zajaviŭ ministr abarony Biełarusi Viktar Chrenin na pasiadžeńni sumiesnaj Kalehii ministerstvaŭ abarony Biełarusi i Rasii, pieradaje BIEŁTA. Raniej na anałahičnych vučeńniach adpracoŭvalisia płany ŭvarvańnia ŭ Polšču i Litvu, a ŭ 2022 hodzie pad prykryćciom vučeńniaŭ rasijskija vojski skancentravalisia na terytoryi Biełarusi dla napadu na Ukrainu.