Na najbujniejšych pradpryjemstvach lohkaj pramysłovaści raskryli karupcyjnyja schiemy
Siłaviki Viciebskaj vobłaści ŭstanavili fakty karupcyi adrazu na niekalkich najbujniejšych pradpryjemstvaŭ lohkaj pramysłovaści Biełarusi, paviedamili ŭ pres-słužbie MUS.
24.10.2024 / 19:32
Jak śćviardžajecca, apieratyŭniki ŭstanavili słužbovych asob 11 najbujniejšych pradpryjemstvaŭ biełaruskaj lohkaj pramysłovaści, jakija brali chabary za spryjalnaje vyrašeńnie niekatorych pytańniaŭ.
Vyśvietliłasia, što nazvanyja supracoŭniki atrymlivali hrošy ad pradstaŭnika viciebskaj kamiercyjnaj struktury za pieramohu ŭ tenderach pa zakupcy šviejnaha abstalavańnia, zapčastak i kamplektujučych.
Akramia taho, pry ŭzajemadziejańni z nazvanym pastaŭščykom słužbovyja asoby pradpryjemstvaŭ nibyta zabiaśpiečvali svoječasovaść raźlikaŭ za pastaŭlenuju pradukcyju.
Adznačajecca, što pamier chabaraŭ dachodziŭ da dziasiatkaŭ tysiač rubloŭ. U vyniku ŭ dačynieńni da ŭsich udzielnikaŭ złačynnaj schiemy byli raspačatyja kryminalnyja spravy.
U Homieli za karupcyju sudziać «hanarovaha homsielmašaŭca»
Łukašenka pamiłavaŭ eks-kiraŭnika svajoj achovy Uciuryna
Zatrymali troch top-čynoŭnikaŭ ź Biełaruskaj čyhunki