Fotaarchiŭ Veha zaprašaje padzialicca siamiejnymi fotazdymkami
Niezaležny fotaarchiŭ Veha, jaki zajmajecca archiŭnaj biełaruskaj fatahrafijaj, abviaściŭ zbor siamiejnych fotazdymkaŭ, zroblenych da 1980 hoda na terytoryi sučasnaj Biełarusi.
25.10.2024 / 17:08
Skrynšot: veha-archive.org
Siužet fotazdymkaŭ:
- na fonie tkanaha dyvana
- viasielnyja fota
- pachavalnyja fota
- čałaviek abdymaje/siadzić na drevie
- na fonie razburanych budynkaŭ
Adskanavanyja fotazdymki ŭ dobraj jakaści (min. 2500 px) z podpisam: «Hod? Miesca? Kamu naležyć archiŭ?» nieabchodna dasłać na poštu archive.veha@gmail.com.
Dasłanyja fota buduć apublikavanyja na sajcie Veha i, mahčyma, u knihach. Tak archiŭnyja siamiejnyja fotyzdymki stanuć častkaj vizualnaj historyi Biełarusi.
Prajekt Veha ŭžo bolš za piać hadoŭ źbiraje staryja zdymki. Heta publičny adkryty ličbavy fotaarchiŭ, jaki maje na mecie stvaryć alternatyŭny miechanizm zachavańnia frahmientaŭ biełaruskaj historyi — «toj niabačnaj historyi, jakaja redka traplaje ŭ padručniki». Na siońniašni dzień bolš za 2 000 čałaviek dasłali Veha fatahrafii dla piaci tematyčnych kalekcyj.
Archiŭ VEHA raspačynaje novy prajekt — «Ruiny Biełarusi»
Vychodziać u śviet «Ludzi Lesu» — čaćviortaja kniha fotaarchiva VEHA
«Sprava kožnaha». Čamu treba pašukać u siamiejnym fotaarchivie zdymki pra les i trapić ź imi ŭ knihu