Biełarusy vypuścili niezvyčajny zbornik mifaŭ pra Sonca i Miesiac
Biełaruskaja hadzińnikavaja manufaktura Hvilina razam z daśledčycaj biełaruskaj mifałohii Irynaj Klimkovič vypuściła zbornik mifaŭ pra Sonca i Miesiac, sabranych u roznych rehijonach Biełarusi, piša Citydog.io.
25.10.2024 / 20:40
Zbornik uklučaje ŭ siabie mify i lehiendy, jakija pieradavalisia z pakaleńnia ŭ pakaleńnie i raskazvajuć, jak staražytnyja biełarusy tłumačyli pryrodnyja źjavy i budavali svaje tradycyi na asnovie hetych mifaŭ.
U knizie jość siužety pra Sonca, Miesiac, płanietu Vienieru i inšyja niabiesnyja śviaciły, pra suviaź mifałohii z kalandarnymi śviatami i zvyčajami, a taksama infarmacyja pra toje, jak mifałohija farmavała kulturu i tradycyi Biełarusi.
Zbornik dastupny na troch movach: biełaruskaj, ruskaj i anhlijskaj. Spampavać jaho možna pa spasyłcy.
Uviesnu, darečy, hadzińnikavaja manufaktura Hvilina vypuściła limitavanuju kalekcyju hadzin Star Chronicle pra mify i lehiendy Biełarusi pra Sonca i Miesiac. Prajekt sa zbornikam staŭ svojeasablivym praciaham supracoŭnictva daśledčycy i manufaktury.
Hladzicie, jaki advient-kalandar vyjšaŭ u biełaruskaha brenda MODUM — cana vas ździvić
Vaš lubimy ziefir ciapier sa smakam šampanskaha i łate (a jašče z sakretnym inhredyjentam)