Kniha «Mova 404» vyjšła ŭ pierakładzie na anhlijskuju movu
Kniha «Mova 404» Aliny Nahornaj, u jakoj sabrana bolš za 100 historyj moŭnaj dyskryminacyi ŭ Biełarusi, vyjšła ŭ anhlijskim pierakładzie, paviedamlaje Bellit.info.
25.10.2024 / 21:32
«Ja liču anhłamoŭnuju viersiju vielmi važnaj, bo isnuje iłžyvaje mierkavańnie, što biełarusy sami, biez usialakaha cisku i prymusu abirajuć ruskuju movu i admaŭlajucca ad biełaruskaj. Reč u tym, što biełarusy kožny dzień sutykajucca ź ciažkaściami i pieraškodami, sprabujučy karystacca biełaruskaj movaj. Ja chaču pakazać sutnaść i maštab prablemy dla ludziej va ŭsim śviecie», — prakamientavała vychad navinki aŭtarka.
Biaspłatnaja anłajn-viersija dla čytańnia dastupnaja na aficyjnym sajcie prajekta: mova404.info. Dla tych, chto addaje pieravahu papiery, vyjšaŭ z druku abmiežavany nakład. Asobniki možna znajści u aŭtarki, a taksama ŭ Vilni ŭ kramach «Kropka» i «The.Bookest.word».
Taksama źjaviłasia admysłovaja anhłamoŭnaja staronka ŭ instahramie.
Fotaarchiŭ Veha zaprašaje padzialicca siamiejnymi fotazdymkami
Vyjšaŭ zbornik artykułaŭ pra Maksima Bahdanoviča
Mininfarm «prosić» kniharaspaŭsiudnikaŭ samastojna pazbavicca ad «destruktyŭnaj» litaratury