Adzin ź minskich restaranaŭ zakryŭsia paśla 15 hadoŭ pracy
Amal u centry Minska zakryŭsia restaran In Vino. Da hetaha jon 15 hadoŭ prapracavaŭ u adnoj z «kukuruzin» na vulicy Viery Charužaj, piša CityDog.io.
25.10.2024 / 23:00
Restaran In Vino adkryli ŭ lipieni 2009 hoda. Tam śpiecyjalizavalisia na mieniu jeŭrapiejskaj i aŭtarskaj kuchni. Va ŭstanovie była vieranda, jakaja pracavała kruhły hod, i nievialikaja zała.
Jak zaŭsiody ŭdakładniali ŭładalniki, hałoŭnaja kancepcyja restarana — heta ŭtulnaja chatniaja atmaśfiera i smačnaja ježa, biez pafasu i modnych tendencyj.
Miarkujučy pa raskazach čytačoŭ CityDog.io, spravy va ŭstanovie ŭ apošnija niekalki hadoŭ išli nie vielmi dobra, a klijentaŭ stała značna mienš, niahledziačy na toje, što restaran raźmiaščaŭsia ŭ ofisnym budynku.
Ciapier na miescy kolišniaha restarana płanujuć adkryć kaviarniu pad nazvaj «Afrykana».
U Minsku zdajuć kvateru z «ramantyčnym ramontam» dla «malaŭničaha žyćcia». Chočacie pahladzieć?