Paźniak zaklikaŭ bajkatavać vybary 26 studzienia
U zajavie ruchu «Volnaja Biełaruś» havorycca, što hałoŭnaja meta prezidenckaj kampanii, jakuju abviaścili ŭłady — «adnavić ułasnuju lehitymnaść i prymusić ludziej pryniać novuju palityčnuju rečaisnaść u Biełarusi».
26.10.2024 / 14:38
«Antynacyjanalny režym Łukašenki pryznačyŭ čarhovyja «vybary prezidenta» na 26 studzienia 2025 hoda. Hałoŭnaja meta hetaj kampanii — adnavić ułasnuju lehitymnaść i prymusić ludziej pryniać novuju palityčnuju rečaisnaść u Biełarusi. Pry hetym kampanija budzie prachodzić va ŭmovach palityčnaha teroru, represij, ahulnaha vyniščeńnia hramadzianskaj supolnaści i razbureńnia instytutu vybaraŭ jak takoha. Biełaruskaje hramadstva na siońniašni dzień nie maje nijakich pravavych i palityčnych mahčymaściaŭ vykazać svajo admoŭnaje staŭleńnie da Łukašenki», — havorycca ŭ zajavie.
U ruchu zaznačajuć, što dla dasiahnieńnia zadačy pa stvareńni iluzii šyrokaj padtrymki Łukašenki panujučaja ŭłada budzie vykarystoŭvać usie mietady, jak siłavyja, tak i palityčnyja, a vybarčyja kamisii buduć całkam ananimnyja i sfarmavanyja z addanych isnujučamu ładu ludziej, a biełaruskaje hramadstva nie budzie mieć nijakich mahčymaściaŭ nazirać za chodam hałasavańnia.
«U biahučych abstavinach patrebny vynik hałasavańnia dla Łukašenki harantavany. Hałoŭnaje, što režymu nieabchodna dasiahnuć padčas kvazivybaraŭ, — heta absalutnaja pasłuchmianaść hramadstva i jahony ŭdzieł u hałasavańni».
«Hałoŭnaje, što treba było b rabić biełarusam — nie iści na vybarčyja ŭčastki i nie hałasavać na psieŭdavybarach dyktatury», — pierakananyja ŭ «Volnaj Biełarusi».
Nastupnaj formaj supracivu tam nazvali vyjaŭleńnie infarmacyi pra arhanizataraŭ «vybarčaha padmanu», siabraŭ kamisii jak saŭdzielnikaŭ u palityčnym złačynstvie i publikacyju źviestak pra ich u adkrytym dostupie.
Adzina pravilnaja taktyka dla biełarusaŭ padčas ciapierašnich «vybaraŭ» — bierahčy siabie
Knyrovič patłumačyŭ, čamu lepš hałasavać na vybarach za Hajdukieviča, čym za Łukašenku
Stała viadoma, chto ŭznačaliŭ inicyjatyŭnuju hrupu Łukašenki