U Narviehii padletkam zabaroniać karystacca sacsietkami
Urad Narviehii zabaronić dzieciam, małodšym za 15 hadoŭ, karystacca sacyjalnymi sietkami. Jak paviedamlaje The Guardian, takaja miera, na dumku premjer-ministra krainy Jonasa Hara Ściore, dapamoža abaranić padletkaŭ ad škodnaha kantentu i «ŭłady ałharytmaŭ».
26.10.2024 / 17:52
Jak adznačyŭ premjer-ministr Narviehii, dzieci vykarystoŭvajuć sacsietki nie pa pryznačeńni. Heta moža rabić padletkaŭ «adnabokimi i pakorlivymi», pakolki «na ekranie ŭsio adbyvajecca zanadta chutka».
Ciapier u Narviehii pavodle zakanadaŭstva padletki mohuć karystacca sacsietkami tolki z 13 hadoŭ.
U toj ža čas, pavodle vynikaŭ daśledavańnia narviežskaha ŭpraŭleńnia ŚMI, bolš za pałovu dziaciej va ŭzroście 9 hadoŭ, 58% 10-hadovych i 72% 11-hadovych źjaŭlajucca karystalnikami sacsietak.
U vyniku narviežski ŭrad źbirajecca ŭzmacnić miery biaśpieki, kab dzieci nie mahli abyści ŭzrostavyja abmiežavańni.
Naprykład, ułady płanujuć unieści papraŭki ŭ zakon ab piersanalnych danych krainy, meta jakich — ustalavać uzrostavy cenz dla padletkaŭ z 15 hadoŭ, kab atrymać zhodu na apracoŭku ich piersanalnych danych płatformaj, a taksama raspracavać sistemu pravierki ŭzrostu dla sacyjalnych sietak.
Narviehija stała pieršaj krainaj, dzie kolkaść elektrakaraŭ pieravysiła kolkaść bienzinavych mašyn
Ministarka kultury Narviehii pakazała ŭ teleefiry aholenyja hrudzi