Upieršyniu sa žniŭnia Tramp abahnaŭ Charys. Usie štaty, jakija vahajucca, taksama za jaho
Pavodle vynikaŭ sacyjałahičnych apytańniaŭ u ZŠA, Donald Tramp apiaredžvaje Kamału Charys na 0,1%. Takaja pieravaha — na miažy statystyčnaj chiby, ale admietna, što jon vyrvaŭsia napierad upieršyniu z 4 žniŭnia.
26.10.2024 / 18:17
Donald Tramp na pieradvybarčym mitynhu 25 kastryčnika. Fota: AP Photo/Paul Sancya
Sajt Realclearpolling akumuluje elektaralnyja daśledavańni, jakija pravodziać usie amierykanskija sacyjałahičnyja słužby, i vyvodzić siaredniaje značeńnie za apošni čas.
Naprykład, Wall Street Journal daje Trampu pieravahu na 3%. CNN i New York Times bačać ničyju, a voś Reuters fiksuje pieravahu Charys na 2%.
Na praciahu dvuch z pałovaj miesiacaŭ Charys abhaniała svajho kankurenta-respublikanca, u pačatku kastryčnika jaje pieravaha dasiahała 2,2%. Ciapier ža napieradzie Tramp — na 0,1%.
Adnak heta havorka pra absalutnyja ličby, a ŭ ZŠA maje značeńnie hałasavańnie pa štatach. I voś tut u Trampa ŭsio dobra — va ŭsich siami štatach, jakija vahajucca, u jaho pieravaha. Naprykład, u Piensilvanii — 0,6%, u Mičyhanie — 0,2%, u Džordžyi — 2,2%.
Takim čynam, kali b vybary adbyvalisia zaraz, to Tramp by pieramoh Charys z razhromnym vynikam — 312-226.
FBR rasśleduje ŭzłom telefona Trampa kitajskimi chakierami
Kamała Charys nazvała Trampa fašystam
Tramp papracavaŭ u «Makdonaldsie». Tak jon rašyŭ upiknuć Charys
U Kalifornii pierad mitynham Trampa zatrymali mužčynu z drabavikom i pistaletam