Kala Tel-Aviva hruzavik zajechaŭ u natoŭp na prypynku — dziasiatki paranienych
Na poŭnačy ad Tel-Aviva hruzavik zajechaŭ u ludziej na aŭtobusnym prypynku. Paviedamlajecca ab dziasiatkach paciarpiełych. Sam kiroŭca zabity hramadzianskimi ŭzbrojenymi ludźmi, što byli pobač.
27.10.2024 / 13:09
Jak piša The Times of Israel, dziasiatki ludziej atrymali ranieńni ŭ vyniku najezdu hruzavika na ludziej kala vajskovaj bazy Hliłot.
Hruzavik prataraniŭ natoŭp ludziej, što byli na aŭtobusnym prypynku. Palicyja padazraje, što heta byŭ terarystyčny akt.
Kiroŭca hruzavika byŭ zastreleny ŭzbrojenymi hramadzianskimi asobami, jakija znachodzilisia ŭ hetym rajonie.
Zhodna ź pieršapačatkovymi danymi palicyi, aŭtobus spyniŭsia na prypynku, kab vysadzić pasažyraŭ. U hety čas hruzavik prataraniŭ ludziej, jakija tam znachodzilisia.
Byli špitalizavany 35 paciarpiełych, siarod ich šaściora ŭ ciažkim stanie. Mnohija paciarpiełyja — pažyłyja ludzi, jakija pryjechali ŭ muziej, raźmieščany niepadalok.
U rajonie Hliłot znachodzicca štab-kvatera Masada, a taksama niekalki padraździaleńniaŭ CACHAŁa.