Rabotnik punkta vydačy markietpłejsa amal hod zabiraŭ sabie tavary, što viartali pakupniki. Voś kolki jamu prysudzili
Niastaču vyjavili tolki kali punkt zakryŭsia.
27.10.2024 / 17:17
Ilustracyjnaje fota.
U prakuratury Maskoŭskaha rajona raskazali ab prysudzie 22-hadovamu minčuku, jakoha pryznali vinavatym u prysabiečvańni davieranaj majomaści.
Chłopiec pracavaŭ u punkcie vydačy anłajn-kramy. Ź lipienia 2023 pa krasavik 2024 hoda jon zabiraŭ sabie tavary, ad kupli jakich admaŭlalisia pakupniki. Maładzion prysabiečvaŭ adzieńnie, abutak, kaśmietyku i parfumu, nastolnyja hulni i navat žanočyja prakładki. Paśla hetaha jon pradavaŭ usio heta na anłajn-placoŭkach.
Taksama mieniedžar prapanoŭvaŭ klijentam pieraličvać hrošy za pakupki niepasredna jamu na kartku, a jon u abmien staviŭ u asabistym kabiniecie status admovy ad tavaraŭ.
Niastaču kala 300 pazicyj vyjavili padčas invientaryzacyi pierad zakryćciom. Chłopiec paabiacaŭ kampiensavać sabiekošt skradzienaha, ale pierastaŭ vychodzić na suviaź. Paśla hetaha pracadaŭca źviarnuŭsia ŭ milicyju.
Minčuka znajšli i asudzili pa kryminalnaj spravie. Jon častkova pryznaŭ vinu, ale škodu nie kampiensavaŭ. U vyniku jaho asudzili na 2,5 hady «chimii» sa štrafam 4 tysiačy rubloŭ. Taksama asudžany musić spłacić kampiensacyju kampanii ŭ pamiery 13 tysiač rubloŭ.