Upieršyniu biełaruski bramnik zhulaŭ u NCHŁ. Jaki vynik?
Alaksiej Kołasaŭ pravioŭ pieršy matč za «Fiładelfiju Fłajerz».
28.10.2024 / 07:52
Fota: espn.com
U ramkach rehularnaha čempijanatu Nacyjanalnaj chakiejnaj lihi (NCHŁ) «Fiładelfija Fłajierz» na chatnim lodzie prajhrała «Manreal Kanadyjens» — 3:4.
22-hadovy biełarus Alaksiej Kołasaŭ pravioŭ pieršy matč za «Fiładelfiju».
Dla jaho heta pieršaja hulnia ŭ Lizie. Jon taksama staŭ pieršym biełaruskim bramnikam u historyi NCHŁ i 16-m biełaruskim chakieistam u hałoŭnaj chakiejnaj lizie śvietu z 1992 hoda.
Kołasaŭ nočču adyhraŭ na lodzie 58 chvilin 10 siekund, prapuściŭ 4 šajby i adbiŭ 20 z 24 kidkoŭ.
«Fiładelfija» zajmaje apošniaje miesca va Uschodniaj kanfierencyi NCHŁ z 5 bałami ŭ 9 matčach.
Nastupny matč «Fłajerz» praviaduć 30 kastryčnika ŭ haściach suprać «Bostan Bruinz», pajadynak pačniecca a 02:00 pa minskim časie.