Ź listapada Biełaruś u Suśvietnym banku budzie pradstaŭlać Rasija
Da hetaha času našu krainu pradstaŭlała ŭ banku turecka-bielhijskaja dyrekcyja.
28.10.2024 / 08:41
Z 1 listapada intaresy Biełarusi ŭ Suśvietnym banku pačnie pradstaŭlać Rasija. Pra heta raskazaŭ TASS vykanaŭčy dyrektar u arhanizacyi ad Rasii Raman Maršavin.
Jon udakładniŭ, što Maskva z 1 listapada budzie pradstaŭlać i Minsk, bo Biełaruś piarojdzie ŭ rasijska-siryjskuju dyrekcyju Suśvietnaha banka.
Da hetaha času našu krainu pradstaŭlała ŭ banku turecka-bielhijskaja dyrekcyja. Ale ź inicyjatyvy Minska situacyja źmianiłasia.
U sakaviku 2022 hoda Suśvietny bank abviaściŭ pra spynieńnie ŭsich svaich prahram u Biełarusi, pry hetym novyja pazyki arhanizacyja nie vydzialaje Minsku ź siaredziny 2020 hoda.