Minimum try šachiedy nočču i ranicaj zalacieli ŭ Biełaruś — adzin prapaŭ
Avijacyja nie padymałasia.
28.10.2024 / 12:59
Nočču i ranicaj 28 kastryčnika ŭ Biełaruś z Ukrainy zalacieli minimum try rasijskija drony-kamikadze typu «šachied», piša Biełaruski Hajun.
Pieršy dron zalacieŭ u 00:26 z Kijeŭskaj vobłaści praz nasieleny punkt Dziatlik i praciahnuŭ ruch na paŭnočny zachad u bok Naroŭli, paśla čaho źnik. Pavietrany siły USU paviedamili, što ŭsiaho za noč u kirunku Biełarusi i Rasii palacieli i źnikli čatyry bieśpiłotniki.
Akramia hetaha, karotkaterminovyja zachody ŭ pavietranuju prastoru Biełarusi zafiksavanyja taksama ŭ 09:06 i 10:08, kali «šachiedy» kružyli na miažy Biełarusi z Kijeŭskaj vobłaściu ŭ Čarnobylskaj zonie.
Što tyčycca avijacyi, dziažurnyja źniščalniki VPS Biełarusi ŭ pavietra nie padymalisia.