U ivacevickaj kałonii pamior małady źniavoleny. Pravaabaroncy paviedamlajuć pra suicyd
U ivacevickaj papraŭčaj kałonii №22 «Voŭčyja nory» pamior źniavoleny. Administracyja choča schavać hety vypadak, paviedamlajuć pravaabaroncy.
28.10.2024 / 13:14
Jak stała viadoma MAYDAY TEAM, małady chłopiec adbyvaŭ termin u 9-ym atradzie. Ciapier usiamu atradu zabaroniena telefanavać, bo administracyja papraŭčaj ustanovy robić zachady, kab schavać infarmacyju pra zdareńnie.
Taksama pra niedapuščalnaść ahučvańnia abstavin hibieli chłopca papiaredžany jaho baćki. Cieła zahinułaha im vydali na vychodnych, i jaho adrazu ž pachavali.
Pa niepaćvierdžanaj infarmacyi, pryčynaj hibieli moh stać suicyd. Małady chłopiec nie vytrymaŭ presinhu, pišuć pravaabaroncy.