У Смалявічах прызыўнік прыйшоў у ваенкамат у майцы з жартам пра ваенкамат. Вось куды яго адправілі
Раённы ваенкам кажа, што жарт ацаніў.
28.10.2024 / 15:28
Фота: smolevichi-24.by
Прызыўнік Ілля Куркуль вырашыў крэатыўна адгукнуцца на позву. Ён прыйшоў у ваенкамат у майцы з незвычайным прынтам.
На футболцы быў надпіс «Хто не схаваўся, той у ваенкамат», піша smolevichi-24.by.
Ваенкам Юрый Шарсцень жарт ацаніў. «Прызыўнікі Смалявіцкага раёна-хлопцы з выдатным пачуццём гумару, якое спатрэбіцца ім і ў службе ў войску», — адзначыў падпалкоўнік.
Жартаўніка-прызыўніка ў выніку адправілі служыць ва ўнутраныя войскі. Ён распавёў, што ідзе туды з добрым настроем.