Rasijskija vojski za apošnija try dni ŭziali pad kantrol vosiem ukrainskich nasielenych punktaŭ na Danbasie
Front razvalvajecca?
28.10.2024 / 15:45
Ilustracyjnaje fota Libkos / AP
Rasijskija vojski za apošnija try dni ŭziali pad kantrol vosiem ukrainskich nasielenych punktaŭ na Danbasie: Bahajaŭlenku, Kaciarynaŭku, Izmajłaŭku, Alaksandropal, Harniak, Sialidava, Šachciorskaje i Višniovaje. Pra heta paviedamiŭ ekśpiert Bild pa analizie adkrytych źviestak Julijan Ropkie.
«Front na poŭdni Danieckaj vobłaści razvalvajecca. U rehijanalnym maštabie havorka idzie pra straty ad dvuch da piaci kiłamietraŭ u dzień. Pry takoj chutkaści Rasii spatrebicca kala paŭhoda, kab dajści da Dnieprapiatroŭskaj vobłaści», — napisaŭ jon u sacsietcy X.
U toj ža čas ukrainski OSINT-prajekt DeepState, źviazany ź Ministerstvam abarony Ukrainy, paviedamiŭ, što rasijskija vojski kantralujuć značnuju častku Sialidava, ale całkam horad jašče nie zaniaty.
DeepState taksama paćvierdziŭ zachop Harniaka ŭ Pakroŭskim rajonie Danieckaj vobłaści. Prakramloŭski kanał Shot śćviardžaje, što rasijskija siły ŭstalavali kantrol nad 80% terytoryi Sialidava, piša Moscow Times.