U Biełarusi zatrymali ŭkrainca: na miažy pierad dahladam jon vykinuŭ pakiecik, ale heta zaŭvažyŭ sabaka
Mytny kamitet śćviardžaje, što ŭ pakieciku byŭ hašyš.
28.10.2024 / 16:34
Skrynšot vidieo DMK
Hramadzianin Ukrainy jechaŭ u Biełaruś z Polščy na aŭtobusie, jon prachodziŭ miažu ŭ punkcie propusku «Brest».
Paśla prachodžańnia pašpartnaha kantrolu mužčyna pajšoŭ praź zialony kalidor, adnak pierad dadatkovym dahladam vykinuŭ niejki pakiecik pad stoł.
Na heta zreahavaŭ słužbovy sabaka, jaki ŭniuchaŭ zabaronienaje rečyva. U pakieciku mytniki znajšli hašyš, paviedamlaje Mytny kamitet.
Miarkujučy ź videa, mužčynu zatrymali paźniej, užo ŭ niejkaj kvatery ŭ Biełarusi.
Bresckija mytniki zaviali na mužčynu kryminalnuju spravu za sprobu pieramiaščeńnia praź miažu psichatropu. Ukraincu pahražaje da siami hadoŭ turmy.