Spyniła isnavańnie adna z najstarejšych avijakampanij u śviecie
Avijakampanija CSA Czech Airlines («Češskija avijalinii») spyniła svajo isnavańnie. Pavodle infarmacyi partała CTK, z 27 kastryčnika rejsy «Češskich avijalinij» vykonvaje Smartwings, najbujniejšaja kamiercyjnaja avijakampanija ŭ krainie.
28.10.2024 / 16:47
Fota: Nicolas Economou/NurPhoto via Getty Images
Samaloty CSA zachavajuć kolery i łahatyp «Češskich avijalinij», ale ŭ sistemach prodažu kvitkoŭ i na tabło vyletu rejsy ciapier paznačajuć kodam, jaki vykarystoŭvaje Smartwings. Zachavajuć i ŭsie kirunki palotaŭ.
U toj ža čas CSA pierastaje być členam Mižnarodnaha avijaaljansa SkyTeam, u jaki ŭvachodziła bolš za 20 hadoŭ.
Avijakampanija «Češskija avijalinii» była zasnavana ŭ 1923 hodzie i ličyłasia adnoj z najstarejšych u śviecie. Da 2013 hoda bolš za 95% akcyj pradpryjemstva naležali dziaržavie. Paźniej Smartwings stała mažarytarnym uładalnikam akcyj CSA.
U sakaviku 2021 hoda «Češskija avijalinii» pryznali bankrutam z-za vysokich zapazyčanaściaŭ. Z pačatku kastryčnika 2024-ha CSA ŭvachodziła ŭ hrupu Smartwings.
U Minsk źbirajecca lotać jašče adna rasijskaja avijakampanija
Rasijski łaŭkostar pierastaje lotać u Biełaruś
Ahulnaja baza avijapasažyraŭ źjavicca ŭ Biełarusi
Piłot Turkish Airlines pamior prosta padčas rejsu