У Латвіі аб'явілі ў вышук прарасійскага журналіста, які ўцёк у Беларусь
Курземскі раённы суд у Вентспілсе аб’явіў у вышук пракрамлёўскага актывіста, грамадзяніна Латвіі Юрыя Аляксеева пасья таго, як той не з'явіўся на судовае паседжэньне ў справе дзейнасьці сайта imhoclub.lv, паведамляе выданне LETA.
28.10.2024 / 19:16
Юрый Аляксееў. Фота: facebook.com/yury.alekseev.94
Да гэтага часу Аляксееў выконваў свае працэсуальныя абавязкі і прысутнічаў на ўсіх судовых пасяджэннях, але 28 кастрычніка не з'явіўся ў суд. Як паведамілі ў судовай адміністрацыі, 23 верасня 2020 года Служба дзяржаўнай бяспекі Латвіі адмяніла накладзеныя на Аляксеева меры стрымання, у тым ліку забарону на выезд з краіны.
Суддзя Курземскага раённага суда Гуна Тройка заявіла, што суд прызнаў няяўку Аляксеева на судовае пасяджэнне неапраўданай і вынес пастанову аб ужыванні меры працэсуальнага прымусу.
Раней Юрый Аляксееў, які з'яўляецца фігурантам крымінальнай справы ў Латвіі, паведаміў, што знаходзіцца ў Беларусі і мае намер прасіць там палітычнага прытулку.
Самы вядомы прарасійскі журналіст Латвіі ўцёк у Беларусь
У Беларусі затрымалі 26 грамадзян Латвіі
У Латвіі беларусцы адмовілі ў прытулку, але суд вынес іншае рашэнне