Bajden adstajaŭ u čarzie 40 chvilin, kab prahałasavać daterminova
Amierykanski lidar prahałasavaŭ daterminova na vybarach prezidenta ZŠA. Jon zapoŭniŭ biuleteń u paniadziełak na ŭčastku dla daterminovaha hałasavańnia ŭ Ńju-Kaśle (štat Dełaver), blizu Uiłminhtana, dzie znachodzicca jaho pryvatnaja rezidencyja.
29.10.2024 / 09:27
Fota: Manuel Balce Ceneta / AP
Pa danych ahienctva AP, kiraŭnik Biełaha doma prastajaŭ kala 40 chvilin, čakajučy svajoj čarhi.
Jon pahutaryŭ z vybarščykami i dapamoh padkacić napierad pažyłuju žančynu ŭ invalidnym kreśle, jakaja stajała pierad im.
Na ŭčastku Bajden pakazaŭ paśviedčańnie supracoŭnicy kamisii, taja paprasiła jaho pakinuć elektronny podpis, zatym dazvoliła prajści ŭ kabinku.
Paśla taho jak prezident schavaŭsia za čornaj firankaj, na ŭčastku pačulisia apładysmienty.
Vybary prezidenta ZŠA projduć roŭna praz tydzień, u nastupny aŭtorak. U ich udzielničajuć kandydat ad demakrataŭ, vice-prezident Kamała Charys i 45-y prezident ZŠA Donald Tramp (Respublikanskaja partyja).