Дроны ўпершыню атакавалі Чачню
29.10.2024 / 10:36
Кіраўнік Чачні Рамзан Кадыраў паведаміў пра атаку дронаў на ўніверсітэт спецназа ў Гудэрмесе. Гэта першае паведамленне пра атаку дронаў на Чачню.
«Сёння а 6:30 раніцы ў Гудэрмесе ў выніку беспілотнай атакі з паветра загарэўся дах пустога будынка на тэрыторыі расійскага ўніверсітэта спецназа. Ахвяр і пацярпелых няма. Пажар патушаны», — напісаў Кадыраў.
Расійскі ўніверсітэт спецназа імя Пуціна рыхтуе ўдзельнікаў баявых дзеянняў ва Украіне.
Таксама туды не аднойчы прыязджалі трэніравацца беларускія сілавікі.