U Łuhanskaj vobłaści rasijski vajskoviec vyrašyŭ pakazać dziciaci, jak pracuje hranatamiot — zahinuli abodva
Školnik pryjechaŭ da baćki, jaki ŭdzielničaje ŭ rasijskim napadzie na Ukrainu.
30.10.2024 / 13:06
Ilustracyjnaje fota: AP / Lea Karea
13-hadovy školnik sa Staŭrapala razam z mamaj pryjechaŭ naviedać baćku ŭ akupavany rasijanami Dałžanski rajon Łuhanskaj vobłaści.
Kamandzir rasijskaha padraździaleńnia vyrašyŭ pakazać dziciaci, jak stralaje hranatamiot. Ale pry strele bojeprypas razarvaŭsia ŭ stvale, piša Baza.
Rasijski vajskoviec zahinuŭ na miescy. Školnika z surjoznymi traŭmami pavieźli ŭ balnicu, ale vyratavać nie zmahli. Baćka chłopčyka taksama atrymaŭ askołačnyja ranieńni, ale vyžyŭ.
Terytoryja Dałžanskaha rajona Łuhanskaj vobłaści Ukrainy z 2014 hoda znachodzicca pad kantrolem prarasijskich sieparatystaŭ i rasijskich vojskaŭ.