Šmatdzietny baćka z Łojeva schavaŭsia ad sudovaha vykanaŭcy ŭ skryni dla hazavych bałonaŭ
Mužčyna doŭha nie płaciŭ kamunałku, i da jaho pryjšli.
30.10.2024 / 15:32
Sudovy vykanaŭca ŭ Łojevie trapiła ŭ kurjoznuju situacyju, kali naviedvała niepłacielščykaŭ kamunalnych pasłuh.
Dźviery doma byli začynienyja, ale ŭ vykanaŭcy skłałasia adčuvańnie, što haspadary znachodziacca dzieści na ŭčastku. Jana vyrašyła pravieryć svajo mierkavańnie.
Na ŭčastku vykanaŭca vyjaviła skryniu dla zachoŭvańnia hazavych bałonaŭ. Adnak zamiest jomistaściaŭ z prapanam z-pad viečka vyhladvała makuška haspadara doma.
Zamiest adkazu na pytańnie, ci zručna siadzieć u draŭlanaj skryni, daŭžnik staŭ moŭčki vybiracca sa schovanki. Jon zapeŭniŭ sudovuju vykanaŭcu, što pahasić doŭh u najbližejšy čas.
Jak paviedamlaje abłasnoje ŭpraŭleńnie justycyi, mužčyna abiacańnie vykanaŭ, i vykanaŭčaja vytvorčaść była zakrytaja.