U Minsku admianili kancert u kłubie «Reaktar». Publičny danos na ich rabiła Bondarava
Danosčyca zaklikała HUBAZiK źviarnuć uvahu na kancert z nahody Dziadoŭ.
30.10.2024 / 17:06
U minskim kłubie «Reaktar» 3 listapada mieŭ adbycca kancert z nahody Dziadoŭ. Siarod vystupoŭcaŭ — lehiendarny muzyka Ivan Kirčuk, śpiavačka Iva Saciva, akapelny fołk-hurt Guda.
Adnak siońnia stała viadoma, što kancert admienieny.
«My tolki što atrymali list pra skasavańnie hastrolnaha paśviedčańnia», — paviedamiŭ u sacsietkach arhanizatar.
Hrošy za kvitki ludziam paabiacali viarnuć. Pryčyny admieny kancertu nie nazyvajucca.
Ale całkam imavierna, što ruku prykłała sumna viadomaja danosčyca Volha Bondarava. Jana aburałasia kancertam, pišučy, što «zapłanavany čarhovy šabaš nievierahodnych skakunoŭ pa płoščach».
«Źviartaju ŭvahu HUBAZ na dadzienuju pravakacyju, a zaadno i Upraŭleńnia kultury MHVK [Minharvykankama]», — pisała Bondarava ŭ svaim telehram-kanale.