Ź listapada zabaraniajuć łavić dva vidy ryb
Z 1 listapada ŭ Biełarusi budzie zabaroniena łavić dva vidy ryby, paviedamiła Biełaruskaja arhanizacyja palaŭničych i rybałovaŭ.
30.10.2024 / 19:20
Čudski sih. Fota: fishingby.com
«Z metaj stvareńnia spryjalnych umoŭ dla ŭznaŭleńnia siha čudskaha z 1 listapada pa 15 śniežnia ŭ rybałoŭnych uhodździach Respubliki Biełaruś ustanaŭlivajecca zabarona na jaho vyłaŭ. U hety pieryjad u pradstaŭnikoŭ siamiejstva łasosievych, da jakich naležyć sih čudski, pačynajecca pieryjad nierastu», — havorycca ŭ paviedamleńni.
Taksama
«dla zachavańnia papulacyi soma pa ŭsioj respublicy ustaloŭvajecca zabarona na jaho vyłaŭ z 1 listapada pa 31 sakavika, pry hetym zabarona tyčycca nie tolki pramysłovaj, ale i amatarskaj łoŭli».
Reč u tym, što som zvyčajny zalahaje na zimoŭku i stanovicca praktyčna nieruchomym, što robić jaho lohkaj zdabyčaj na zimavalnych jamach.
BTPR taksama nahadvaje, što ŭ adpaviednaści z praviłami amatarskaha rybałoŭstva i praviłami viadzieńnia rybałoŭnaj haspadarki ŭ rybałoŭnych uhodździach zabaronienaja łoŭla ŭsich vidaŭ ryb na zimavalnych jamach z 1 kastryčnika pa 15 krasavika.
Kala Aŭstralii złavili sieladcovaha karala. Kažuć, što heta nie na dabro
U Mahiloŭskaj vobłaści vyłavili 15-kiłahramovaha ščupaka. Dastavali z vady amal hadzinu
U Pietrykaŭskim rajonie piensijanier adpraviŭsia rybačyć na łodcy i zabłukaŭ