Z Rasijaj u futboł pahadziłasia zhulać 184-ja zbornaja śvietu. Ale i jana vystavić amataraŭ
U adchilenaj ad mižnarodnych spabornictvaŭ z-za vajny suprać Ukrainy zbornaj Rasii vialikija prablemy z pošukam supiernikaŭ.
31.10.2024 / 18:00
Zbornaja Rasii padčas matču ź sierbami ŭ sakaviku. Fota: Sieha Karakan / Anadolu praz Getty Images
Nie harać žadańniem hulać z rasiejcami navat zbornyja z krain, jakija Kreml nazyvaje «družalubnymi». Ź vialikaj ciažkaściu Rasijskamu futbolnamu sajuzu ŭdałosia znajści supiernikaŭ na listapad: zbornyja Brunieja i Siryi. Adnak i tut uźnikli prablemy.
Akazałasia, zbornaja Brunieja, jakaja zajmaje 184-je miesca ŭ rejtynhu FIFA, nie zmoža vystavić na matč z rasijanami asnoŭny skład, pakolki hulcy pajšli ŭ adpačynak, piša «Sport-ekspriess».
U Bruniei da hulni rychtujuć druhuju kamandu, u jakoj praktyčna niama prafiesijnych futbalistaŭ. Hetaja kamanda znachodzicca na bałansie armii Brunieja. Va ŭsich hulcoŭ jość asnoŭnaja praca, u futboł jany hulajuć pa viečarach. Heta značyć, zbornaj Rasii daviadziecca hulać z amatarami.
Pry hetym u RFS zajavili, što pa damovie ab arhanizacyi matča zbornaja Brunieja pavinna hulać asnovaj. Ale, mabyć, niešta pajšło nie tak.
Matč Rasija — Bruniej projdzie ŭ Krasnadary 19 listapada. Na 15 listapada ŭ Vałhahradzie zapłanavanaja hulnia ź siryjcami (93-ci numar rejtynhu FIFA).
U kastryčniku rasijanie nie zmahli znajści sabie supiernika — admoviłasia hulać kamanda Pakistana. Admianiŭsia taksama i tavaryski matč z Tadžykistanam.
U 2024 hodzie zbornaj Rasii ŭdałosia pravieści tolki try sparynhi — ź Biełaruśsiu (97-je miesca rejtynhu FIFA), Sierbijaj (35-je) i Vjetnamam (116-je).
Rodry atrymaŭ «Załaty miač — 2024»
1xBet ładzić tysiačy fiktyŭnych matčaŭ, u tym liku ŭ Biełarusi. Na ich zarablajucca kaśmičnyja sumy
Hałoŭnaha treniera futbolnaj zbornaj Kazachstana aštrafavali za niepavahu da kazachskaj movy
Zorku suśvietnaha futboła padazrajuć u zhvałtavańni