Viaskoŭca z-pad Kaściukovičaŭ vyzvalili pa amnistyi, a ciapier pieradumali. Kažuć, zdarovy
Mužčyna byŭ fihurantam avaryi, u jakoj zahinuła dzicia.
01.11.2024 / 10:51
Śmiarotnaja avaryja adbyłasia 2 maja 2024 hoda na vulicy Leninskaj u Kaściukovičach.
Kiroŭca hruzavika pavaročvaŭ naleva, ale nie zaŭvažyŭ dziaciej na viełasipiedach. U vyniku najechaŭ na 12-hadovaha chłopčyka. Toj pamior.
Zaviali kryminalnuju spravu. Adnak kiroŭca prynios miedycynskija dakumienty, što ŭ jaho jość takoje zachvorvańnie, ź jakim možna vyzvalicca ad kryminalnaj adkaznaści.
Tak i adbyłosia. 16 žniŭnia 2024 hoda sud Klimavickaha rajona prymianiŭ u adnosinach mužčyny zakon ab amnistyi.
Adnak nie ŭsio tak prosta — jaho situacyjaj zaniałasia prakuratura. U vyniku hałoŭnaje ŭpraŭleńnie pa achovie zdaroŭja Mahiloŭskaha abłvykankama nie paćvierdziła raniej vystaŭleny dyjahnaz mužčyny. A novy dyjahnaz nie padpadaje pad amnistyju. Kiroŭcu ŭsio ž buduć sudzić.