У Беларусі выпусцілі мармелад у выглядзе трактара
1.11.2024 / 12:23
Ён з малінавым смакам.
Пра выпуск мармеладу ў выглядзе трактара Belarus паведаміў афіцыйны тэлеграм-канал МТЗ.
Прадаваць мармелад пачнуць з 1 лістапада і толькі ў крамах завода. Цана за ўпакоўку чырвоных малінавых мармеладак — 2,55 рубля.
«Толькі не здзіўляйцеся, калі хутка скончыцца. Вельмі смачны! Але падвозіць абяцаюць рэгулярна», — рэкламуюць прысмакі.
Раней МТЗ выпускаў брэндаваныя глазураваныя сыркі і марозіва.