Narviehija, Łatvija i Biełaruś bilisia da apošniaha
Vyznačylisia ŭsie ŭdzielniki čverćfinału chakiejnaha alimpijadnaha turniru.
24.02.2010 / 10:39
U sieradu ranicaj stali viadomyja ŭsie ŭdzielniki chakiejnaha turniru Alimpijady ŭ Vankuviery.
Kvalifikacyjnyja matčy plej‑of vyjhrali zbornyja Šviejcaryi, Kanady, Čechii, Słavakii.
Nahadajem, što zbornaja Šviejcaryi vyjhrała ŭ sieryi bulitaŭ u Biełarusi 3:2.
Kanada razhramiła Hiermaniju 8:2, Čechija ŭ oviertajmie zdoleła złamić adčajny supraciŭ Łatvii - 3:2. A Narviehija dała sapraŭdny boj ŭ 2-m i 3-ch piernyjadach Słavakii, sastupiŭšy 3:4.
Takim čynam u 1/4 finału siońnia, 24 lutaha, zhulajuć:
ZŠA — Šviejcaryja (pačatak matču ŭ 22:00), Rasija — Kanada (02:30), Finlandyja — Čechija (05:00), Šviecyja — Słavakija (07:00).
Usie hetyja matčy ŭ žyvym efiry buduć pakazanyja na kanałach «Ład» i BT.
Zaznačym taksama, što siońnia ŭnačy na telekanale «Ład» u žyvym efiry ŭ 05:25 — finał spabornictvaŭ u frystajle (łyžnaja akrabatyka) siarod žančyn.
U finale — siarod 12 najmacniejšych — vystupiać biełaruski Ała Cupier i Asol Śliviec. Pryčym Cupier upeŭniena zaniała pieršaje miesca ŭ kvalifikacyi.