У Мінску здымаюць ролік пра дрыфт з пілотамі замежжа. Таму рух транспарту будуць перакрываць
У розных гарадах Беларусі ўжо больш за тыдзень вядуцца здымкі прома-роліка з удзелам дрыфт-пілотаў з замежжа. Пілоты дэманструюць сваё майстэрства на фоне гістарычных славутасцяў, знакавых ці маляўнічых месцаў.
02.11.2024 / 09:59
Дайшла чарга і да Мінска. Здымкі роліка з удзелам дрыфт-пілотаў з Японіі, Аўстраліі і Бразіліі будуць праходзіць з 2 па 6 лістапада. Па ўзгадненні з ДАІ для гэтага будуць перакрываць сталічныя дарогі.
Дзе пройдуць здымкі ў Мінску?
Як паведамілі ABW арганізатары, здымкі роліка пройдуць:
у суботу — паблізу Чыгуначнага вакзала і на вялікім коле ля будынка Старога аэрапорта; у нядзелю — каля пуцеправода на Нямізе, развязкі на вул. Камсамольскай і развязкі побач з ГУМам; у панядзелак — паблізу стадыёна «Дынама», на вул. Рэвалюцыйнай, Старажоўскай і ў Траецкім прадмесці;
у аўторак — каля сцен Нацыянальнай бібліятэкі і «Мінск-Арэны»; у сераду — у аэрапорце.
Паглядзець на здымкі змогуць усе ахвотныя. Уваход вольны. Дакладны час правядзення здымак будзе вядомы пазней.
Дзе закрыюць рух?
Па інфармацыі сталічнай ДАІ, часовыя абмежаванні руху транспарту будуць уведзены:
2 лістапада (субота):
з 6:30 да 12:00 — па вул. Кірава; з 11:00 да 18:00 — па коле пл. Старога Аэрапорта.
3 лістапада (нядзеля):
з 6:30 да 11:00 — па вул. Леніна ад вул. Інтэрнацыянальнай да вул. Нямігі, па праспекце Пераможцаў ад вул. Нямігі да пешаходнага пераходу побач з домам №2; з 10:00 да 16:00 — па вул. Камсамольскай ад скрыжавання з вул. Карла Маркса да ДК імя Дзяржынскага, па праспекце Незалежнасці ад будынка КДБ да скрыжавання з вул. Леніна; з 15:00 да 18:00 — па праспекце Незалежнасці ад скрыжавання з вул. Камсамольскай да скрыжавання з вул. Энгельса, па вул. Леніна ад скрыжавання з вул. Карла Маркса да крамы заезду на дваровую тэрыторыю дома №6.
4 лістапада (панядзелак):
з 8:30 да 12:00 — па вул. Кірава ад дома №17 да дома №35, па вул. Камсамольскай ад вул. Карла Маркса да вул. Кірава; з 12:00 да 14:30 — па вул. Камсамольскай ад вул. Карла Маркса да скрыжавання з вул. Рэвалюцыйнай, па вул. Рэвалюцыйнай ад вул. Камсамольскай да вул. Гарадскі Вал; з 15:00 да 18:00 — па вул. Старажоўскай ад вул. Старавіленскай да дома №33/2.
5 лістапада (аўторак),
з 7:00 да 9:30 — па вул. Жасмінавай ад скрыжавання з вул. Пятра Мсціслаўца да другога скрыжавання з вул. Пятра Мсціслаўца, па вул. Жасмінавай ад другога скрыжавання з вул. Пятра Мсціслаўца да праспекта Незалежнасці.
У суботу і нядзелю ў Мінску моцна зменяцца маршруты грамадскага транспарту