Kadyraŭ zajaviŭ, što admianiŭ svoj zahad nie brać u pałon ukrainskich vajskoŭcaŭ
Ź jahonych słoŭ, urad Čačni nibyta atrymaŭ «bolš za dźvie tysiačy listoŭ ad žycharoŭ Ukrainy», u jakich «prosiać skasavać zahad».
02.11.2024 / 14:48
«Tyja, chto źviarnuŭsia, da majoj vialikaj radaści, razumiejuć, što jany achviary Zachodniaj bajaźlivaści i podłaści, i ich adpraŭlajuć u akopy palityki Jeŭropy i ZŠA, a kiraŭnictva krainy — pradažnyja maryjanietki i fašysty», — napisaŭ jon u telehram-kanale.
29 kastryčnika Kadyraŭ zajaviŭ, što zahadaŭ «usim kamandziram na pieradavoj» nie brać u pałon ukrainskich vajskoŭcaŭ paśla ataki bieśpiłotnika na Hudermies. Pad udar trapiŭ «univiersitet śpiecnaza», u jakim rychtujuć dla adpraŭki na front, nahadvaje Mieduza.