Stała viadoma, kolki aŭtamabilaŭ pierarehistravali ź biełaruskich numaroŭ na łatvijskija — kab mašyny nie kanfiskavali
Zhodna ź miascovym zakonam ab darožnym ruchu, z 1 listapada znachodžańnie aŭto ź biełaruskimi numarami na terytoryi Łatvii niezakonna.
05.11.2024 / 09:47
Jak paviedamiła Dyrekcyja biaśpieki darožnaha ruchu Łatvii (CSDD), z pačatku hoda ŭ hetaj krainie byli pierarehistravanyja 45 lehkavych aŭtamabilaŭ, jakija raniej pieramiaščalisia na biełaruskich numarach.
Bolšaja častka — heta aŭtamabili kłasa luks, naprykład, Tesla, BMW, Mercedes-Benz i Jaguar. Tempy, adnak, u CSDD pryznajuć pavolnymi.
Sa žniŭnia pierarehistravanyja 17 transpartnych srodkaŭ ź Biełarusi.
Zhodna ź miascovym zakonam ab darožnym ruchu, z 1 listapada znachodžańnie aŭto ź biełaruskimi numarami na terytoryi Łatvii niezakonna. Jaho ŭładalniki pavinny byli da hetaj daty albo pierarehistravać transpartny srodak, albo pakinuć krainu.