Rasijski aliharch pa vynikach vybaraŭ u ZŠA prahnazuje padzieńnie cen na naftu
Aleh Dzierypaska pradkazaŭ abvał nafty da $50 praz pieramohu Donalda Trampa na prezidenckich vybarach u ZŠA.
06.11.2024 / 16:02
Aleh Dzierypaska. Fota: Igor Russak / NurPhoto via Getty Images
Miljarder Aleh Dzierypaska prakamientavaŭ pieramohu Donalda Trampa na vybarach prezidenta ZŠA. «Dobraj ranicy, novy śviet. Nafta da 50 dalaraŭ da maja, mir, padobna, budzie ŭsiudy», — napisaŭ biznesoviec.
U svajoj pieršaj pramovie paśla pieramohi na vybarach Tramp abiacaŭ pačać masavuju raspracoŭku naftavych śvidravin. «U nas bolš čornaha zołata, čym u luboj inšaj krainy ŭ śviecie. Bolš, čym u Saudaŭskaj Aravii, bolš, čym u Rasii», — skazaŭ Tramp. Paśla hetaj zajavy nafta marki Brent źniziłasia na 2%, piša The Moscow Times.
Raniej Tramp zajaŭlaŭ, što za 24 hadziny ŭrehuluje ŭkrainski kryzis. Na jahonuju dumku, pry canie nafty na ŭzroŭni $40 za barel Rasija nie mahła b vieści bajavyja dziejańni, a nafta pa $100 za barel dazvoliła Maskvie mieć vialiki vajskovy biudžet.
Naftavyja kampanii ZŠA łabiravali prychod Trampa i spansavali jaho prezidenckuju kampaniju.
Jon moža dać dadatkovyja ekałahičnyja i padatkovyja pasłableńni naftavaj pramysłovaści, što pavialičyć zdabyču i nadaść impuls dla rostu kapitalizacyi syravinnych kampanij.
Tramp zajaŭlaŭ, što ZŠA zarobiać cełaje bahaćcie na prodažy enierharesursaŭ u Jeŭropu.