U Vilni adbudziecca dabračynny fiestyval u padtrymku biełaruskich palitviaźniaŭ
22 listapada ŭ vilenskim kłubie LOFTAS muzyčnaja supolnaść Belarus Outside Sound System i Fond salidarnaści Bysol praviaduć sumiesny fiestyval u ramkach mižnarodnaj estafiety salidarnaści Voices Across Borders. Tak arhanizatary chočuć raskazać ludziam pa ŭsim śviecie pra palityčny kryzis i parušeńni pravoŭ čałavieka ŭ Biełarusi.
06.11.2024 / 18:55
Fiestyval Belarus Outside Sound System X BYSOLidarity Relay dałučajecca da estafiety, kab pryciahnuć žycharoŭ Vilni da ahulnaj spravy i sabrać srodki na padtrymku biełaruskich palityčnych źniavolenych.
Na adnoj z najlepšych litoŭskich kancertnych placovak vystupiać post-pank duet Super Besse, jaki nabyŭ suśvietnuju viadomaść, i hipna-pop artystka Anastasia Rydlevskaya, a taksama biełaruskija dydžei, dobra viadomyja ŭ Vilni — Stereobeaver, Kornej i Papa Bo Selektah. Trapić na mierapryjemstva možna budzie za luboje achviaravańnie ad 10 jeŭra. Sabranyja srodki ŭ poŭnym abjomie buduć nakiravanyja na zbor estafiety salidarnaści Voices Across Borders.
«Voices Across Borders» — heta pieršaja sproba znajści padtrymku ŭ tym liku i ŭ mižnarodnaj aŭdytoryi, — paviedamlajuć inicyjatary estafiety Fond salidarnaści BYSOL. — My spadziajemsia, što jana budzie paśpiachovaj i stanie štohadovaj akcyjaj salidarnaści ź Biełaruśsiu».
Fiestyval biełaruskaj falkłornaj pieśni projdzie ŭ Vilni
Hrošy dla dapamohi śpievaku Pamidoravu sabrali za 180 chvilin